維蘭路華親自欽點三名援將需要1.15億歐元!

足球轉會消息 於 17/05/2013 發表 收藏文章
係呢個夏天,巴塞將會係轉會市場上掀起風暴。根據《每日體育報》頭版頭條報導,巴塞主帥維蘭路華已經向高層提出左佢既引援要求。維蘭路華希望係三條線上都有所補強,如果滿足佢願望既話,巴塞就將會用1.15億歐元既轉會費!
係中堅線上,雖然巴塞同多蒙特傾掂左曉姆斯既轉會,但係維蘭路華堅持要泰亞高施華。係維蘭路華既角度黎睇,曉姆斯既風格類似於碧基,呢兩個人並唔能夠有好既互補。不過相比身價2500萬歐元既曉姆斯,泰亞高施華身價就高得多,巴塞需要至少為佢付出4500萬歐元。按照加泰羅尼亞電台既講法,巴塞希望可以將柏度洛迪古斯當成搭頭送去巴黎聖日耳門,以便減少部分轉會費。值得一提既係,正正係柏度洛迪古斯既入球,將巴黎聖日耳門擋左係歐聯四強大門之外。
係鋒線上,巴塞既引援對像係尼馬,佢既身價預估為4500萬歐元左右。尼馬同巴塞既緋聞已經傳左好幾年,考慮到韋拿同山齊士有可能今夏離隊,巴塞終於將收購尼馬正式提上議事日程。
而中場,巴塞希望得到根度簡或者伊斯高,轉會費預算為2500萬歐元。根度簡既違約金數額係2500萬歐元,巴塞可以直接砸錢帶走佢。不過伊斯高既違約金數額相對較大,而且佢仲係曼城既引援目標,巴塞既報價未必具有競爭力。
尼馬加泰亞高施華再加一名攻中,呢三人既身價將高達1.15億歐元。而考慮到域陀華迪斯未來既唔確定性,巴塞仲要收購門將,雖然維蘭路華更希望靠域陀華迪斯踢完下季。巴塞高層最希望得到連拿,佢既身價係1000萬歐元左右。不過考慮到連拿既年齡同近年黎既下滑狀態,巴塞有可能會係今年夏天再收購一名年輕門將。據《世界體育報》透露,巴塞同慕遜加柏門將史迪根走得非常近,佢既身價係1000萬歐元左右。如果連拿同史迪根一齊加盟巴塞既話,下賽季既主力將係連拿,史迪根就會度過一年磨合期後獲得重用。

留言


請按此登錄後留言。未成為會員? 立即註冊
    快捷鍵:←
    快捷鍵:→