經理人曝拜仁已問價迪布尼，五千萬可簽下歐洲助功王 精選

今季德甲勁旅禾夫斯堡表現出色，球迷都好期待呢隊4-1擊敗拜仁嘅球隊係下季嘅歐聯賽場上有出色發揮。但係禾夫斯堡嘅核心、歐洲助攻王就成為左諸多豪門球隊同土豪球隊嘅獵物，唔少球隊都已經展開左對迪布尼嘅爭奪。近日迪布尼經紀人更係爆料稱，德甲巨人拜仁慕尼黑展開左詢價工作，只不過係仲未提出正式報價。對於迪布尼嘅未來，禾夫斯堡高層都係毫無辦法，體育主管坦言佢都唔知迪布尼係到諗緊咩。
迪布尼已經成為左德甲賽場上最火熱嘅球星，佢今季係德甲中攻入10球助攻19次，各項賽事嘅總助攻數更係達到27次，係「歐洲助攻王」。迪布尼嘅出色發揮都令佢吸引唔少強隊嘅興趣，雖然佢同禾夫斯堡嘅合同到2019年先到期，但係根本無人相信係下季嘅禾夫斯堡我地仲能夠睇到迪布尼嘅身影。目前係德國「轉會市場網站」上迪布尼估價達到3500萬歐元，呢個價錢對財大氣粗嘅球隊顯然唔係難題。
近日據英國媒體嘅消息稱，英超勁旅曼城一直有意迪布尼，而球隊都為迪布尼拒絕左4100萬歐元嘅報價，咁遠遠未達到禾夫斯堡嘅預期價位，因此慘遭拒絕。雖然如此，但係迪布尼嘅經紀人係接受採訪時都透露，除左曼城之外，拜仁慕尼黑同PSG都已經進行詢價，「除左曼城之外，PSG同拜仁慕尼黑都已經聯絡左我，問我好多關於迪布尼嘅消息。」佢係接受探訪時自豪咁表示。
根據迪布尼經紀人嘅意思，拜仁方面已經展開左詢價，毫無疑問德甲巨人已經開始操作迪布尼嘅轉會事宜。但係到目前為止，拜仁方面仲未進行正式嘅報價。係接受採訪時禾夫斯堡體育主管都表示好無奈：「我當然想知道迪布尼心入面諗緊咩，佢到底係想履行係球隊嘅合同，定係離開球隊，我都唔知。」禾斯堡方面一直唔打算強留迪布尼，據稱只要有球隊願意出價超過5000萬歐元，咁禾夫斯堡將樂意放人。