紐卡素恐遭多間球會瓜分大部分球員！ 精選

據《鏡報》報導，即使紐卡素今季護級成功，佢地陣中既好多大牌球員都可能會係夏天離開球隊。
報導稱，目前包括卡巴耶、賓艾化、高洛仙尼、史提芬泰萊以及告爾在內既多名球員都已經俾其他球會睇中。其中AC米蘭正係度追逐告爾，熱刺同利物浦正係度關注賓艾化，阿仙奴就對卡巴耶非常欣賞。高洛仙尼係今年1月就曾經要求離開，佢既下家可能係阿根廷球會聖洛倫索，而史提芬泰萊就吸引左法甲馬賽既興趣。而球隊頭號前鋒施斯既未來仲唔明確。
有消息人士話：「即使紐卡素成功護級，佢地都好難留住球隊最好既球員，有唔少球隊對佢地既球員有興趣，例如卡巴耶、告爾、高洛仙尼、泰萊以及賓艾化。恐怕其中既一啲人真係會離開。」
但係如果護級成功，喜鵲希望說服利物浦將卡路爾以低於1700萬英鎊價格賣番俾佢地。呢名中鋒係兩年前以3500萬英鎊加盟利物浦，但係紅軍新帥羅渣士對佢並唔器重。據悉，卡路爾已經準備離開，並願意接受降薪。紐卡素既頂薪大約為每週6萬英鎊，如果回歸，呢名前鋒既工資大約都會降到相似既水平。利物浦都可能用佢交換賓艾化，但係法國人既身體狀況令人擔憂。