米蘭前鋒引援又有新人選，與禾夫斯堡爭比利時小魔獸 精選

據英國《每日郵報》報道，效力於阿士東維拉嘅比利時前鋒賓迪基成為意甲豪門AC米蘭今夏嘅引援目標，而德甲勁旅禾夫斯堡將會係紅黑軍團最大嘅競爭對手。
今年12月先滿25歲嘅賓迪基2012年夏天登陸英超，第一個球季就係聯賽出場34次攻入19球，效力維拉嘅頭兩季，賓迪基一共攻入29球。作為一名強力中鋒，賓迪基擁有1米90嘅身高，衝擊力強，擁有「半獸人」嘅綽號。今季由於傷病嘅原因，賓迪基缺席左大量維拉嘅比賽，不過近期比利時人狀態回勇，最近兩輪英超都有入波，係維拉3:3戰平QPR嘅比賽佢甚至上演左帽子戲法，仍嘅回歸將有助於維拉實現保級目標。
從賓迪基嘅特點黎睇，佢的確適合宜家呢隊米蘭。紅黑軍團缺少一名強力中鋒，冬季從羅馬租借嘅迪斯度表現無法令人滿意，今夏有可能遭到退貨，而文尼斯雖然係隊內頭號射手，但法國人其實係翼鋒出身，替補席上的柏仙尼今季更係只係聯賽同意大利杯中各攻入1球，米蘭迫切希望能擁有一名入球效率高嘅中鋒黎擔起進攻大旗，除左賓迪基之外，包括恩莫比尼、卡雲尼都同紅黑軍團傳出左緋聞。
值得一提嘅係，今季係德甲表現非常出色嘅禾夫斯堡都有意引入賓迪基。雖然荷蘭前鋒巴斯杜斯坐穩主力，但主帥對於替補席上嘅賓特拿並唔滿意，佢希望能夠簽賓迪基加強攻擊力。從財力上黎睇，狼堡顯然比米蘭更加雄厚，佢地都基本上鎖定下季歐聯參賽名額，而米蘭能唔能夠出現係下季嘅歐霸仲係未知數，從待遇同競技舞台而言，似乎加盟狼堡更具吸引力。