碧基將以700萬年薪續約巴塞,拒絕四大豪門邀請

足球轉會消息 於 31/01/2014 發表 收藏文章
聖誕假期前,巴塞同小白完成續約。巴塞跟住落黎既重點續約人物,係後防雙星碧基同巴查。碧基既合同將會响2015年夏天到期,而巴查既合同將會今季尾到期。根據《進球網》透露,巴塞同碧基已經就續約達成一致,碧基既稅後年薪將達到700萬歐元。
碧基如果今季內無法完成續約既話,今夏佢既轉會價格將會遠遠低於真實身價。碧基即管近年黎屢屢被低估,但其實佢係近代中堅既佼佼者,今季佢既表現一直非常穩定。據《進球網》透露,碧基已經收到黎自曼聯、曼城、車路士同拜仁既邀請函。但碧基最終決定,將自己既未來付託比魯營。
《進球網》指出,碧基同巴塞就續約達成一致,稅後年薪將達到700萬歐元。考慮到佩奧爾有可能响賽季尾退役,碧基將會成為巴塞下一代後防領袖,巴塞會比一份同其地位相稱既薪水佢。《進球網》並未透露碧基同巴塞續約到幾時,不過按照之前幾名球員既續約趨勢黎睇,碧基同巴塞好可能將續約到2018年。合同到期後,碧基將年滿31歲。

留言


請按此登錄後留言。未成為會員? 立即註冊
  • faigod1997 於 01/02/2014 評論 NO. 1

    車路士買佢 你繼續吹 zz

快捷鍵:←
快捷鍵:→