皇馬睇中拜仁絕對主力，馬些路或遭徹底放棄 精選

皇馬歷黎唔覺得球星過多係一種累贅，佢地一直都係度積極咁尋求世界上最好嘅球員，將其招致麾下。據西班牙媒體《阿斯報》報導稱，銀河戰艦宜定睇中左目前效力於拜仁慕尼黑嘅左閘阿拉巴，希望用呢位奧地利多面手黎頂替陣中嘅馬些路。
從球隊表面實力黎睇，皇馬擁有堪稱當今世界上最好嘅攻擊組，唔理係C朗，巴爾，定係占士洛迪古斯以及賓施馬等人，都係一等一嘅好手，但係相比較耀眼嘅前場人員，皇馬後防點都有啲唔令人放心，特別係閘位。
係目前皇馬左閘呢個位置上，​有干查奧同馬些路兩員悍將，前者雖然係加盟初期飽受爭議，但係如今已經愈發彰顯出一位優秀左閘嘅的本質，攻守兼備嘅佢非常令人放心。而馬些路雖然進攻能力了得，但係佢回防能力以及其經常受傷嘅體質，都令皇馬非常頭痛，並且呢位巴西左閘係今年世界杯上嘅表現令人實在不敢恭維。
按照《阿斯報》嘅講法，皇馬宜家已經準備放棄馬些路，進而選擇引入阿拉巴補充左閘呢個位置。阿拉巴目前已經係奧地利嘅足球名星，亦係拜仁擔當絕對主力，並且經常利用其出色嘅遠射能力為球隊嘅進攻提供幫助，甚至係必要時仲可以去打中場嘅位置。不過《阿斯報》都指出，對於咁嘅一位優秀球員，拜仁主帥哥迪奧拿恐怕唔會將佢放棄，咁意味著皇馬想引入佢嘅難度將非常大。