皇馬欲為謝斯加薪至200萬，新C朗違約金高達三億 精選

2010年世界杯之前，柏度成為西甲最火爆既新人，並最終响迪保斯基既欽點下成為左世界冠軍球隊之一人。2014年世界杯前，謝斯洛迪古斯又成為左西甲最佳新人。近期佢連續破門，今季佢既入球數已經達到8球。要知道，身為皇馬史上最佳射手既魯爾，處子賽季時只不過都係入10球姐。
謝斯期待緊能出征巴西世界杯，皇馬就期待緊用加薪既方式黎表達對謝斯既肯定。據《阿斯報》報導稱，皇馬打算為佢大幅度加薪。謝斯目前既年薪為120萬歐元，皇馬計劃响今季結束後為佢加薪至200萬歐元，以表示對佢既認可。
係一年前同皇馬續約時，謝斯既違約金數額並未有獲得官方宣佈。《馬卡報》當時曾經透露，謝斯違約金數額為2.5億歐元。但《阿斯報》如今就指出，佢既違約金事實上係3億歐元，而且皇馬仲打算繼續為佢提高違約金。究竟3億歐元違約金點諗出黎嫁？即使偉大如美斯，違約金數額都僅僅為2.5億歐元！
上季為皇馬B隊效力時，謝斯被視為新C朗，佢都坦承自己既偶像係C朗。不過由之前幾個入球黎睇，謝斯風格似魯爾。佢有非常出眾既走位能力，面對門將時好少似C朗咁大力抽射，而是往往巧射。呢種巧妙既射門技術，曾經係魯爾既標誌。宜家既安察洛堤，又面臨一個幸福既煩惱。謝斯、巴爾同賓施馬狀態都上佳，但佢必須响C朗復出後將其中一人逐出主力陣容。應該邊個犧牲？ 《阿斯報》進行左民意調查。 39.5%選擇賓施馬，37.6%選擇巴爾，只有22.9%選擇謝斯。佢今季每製造一球只需要74分鐘，响皇馬隊內僅次於每63分鐘製造一球既C朗。