皇馬欲引入一名防中，1500萬追德國年輕中場 精選

係夏季轉會戰中，皇馬雖然得到卻奧斯同占士洛迪古斯，但係仍然美中不足。卻奧斯嘅組織能力接近於沙比阿朗素，但防守能力並唔係太好。迪馬利亞嘅離去，更令皇馬攻守兩端都出現大問題。安察洛堤想將巴爾或干查奧改造成攻中，但效果未如理想。基迪拉係皇馬唯一嘅防中，但佢要因傷休養8星期，而且最後一年合同期內有可能會無心機踢。係冬季轉會期，皇馬必須要進補一名防中。據《馬卡報》報導指，皇馬願意以1500萬歐元收購卡拉馬。
阿朗素嘅突然離去，打亂左皇馬嘅戰略部署。夏季轉會窗口關閉前，皇馬曾經緊急聯繫PSG，並求購華拉堤。係執教PSG果陣，安察洛堤同華拉堤合作得相當愉快。不過華拉堤並唔想轉投皇馬，拒絕皇馬邀請。
係基迪拉重傷之後，皇馬好快啟動左冬季尋找防中計劃。皇馬首先睇中嘅，係曼城核心耶耶托尼。不過皇馬好快明白到，挖到佢嘅可能性非常細。一來耶耶托尼係曼城嘅中場核心，柏歷堅尼唔願意放走佢。二來佢本人係巴塞粉絲，所以並唔想去死對頭皇馬踢波。三來耶耶托尼薪水極高，皇馬無可能好似曼城咁滿足佢嘅薪水要求。四來等到冬季轉會期時，佢未有資格代表皇馬踢歐聯淘汰賽。否決引入耶耶托尼嘅可能性後，皇馬好快將目標鎖定左係卡拉馬身上。身高1米90嘅佢，能夠令皇馬中後場帶黎高度、力量同強悍，而且佢都可以踢歐聯淘汰賽。23歲嘅卡馬隨德國隊參加今夏嘅世界杯，並且係決賽中首發出場。咁啱，當時正係基迪拉嘅受傷比左卡拉馬一個機會，不過卡拉馬係上半場就因傷被換下。考慮到德國球員普遍身價唔高，而且卡拉馬都唔算係巨星，皇馬只願意為佢開出1500萬歐元嘅報價。