皇馬欲回購青訓產品，接班今夏或加盟米蘭的隊長

卡斯拿斯（Iker Casillas Fernández）定係卡斯利拿（Fransico Casilla Cortés）？ AC米蘭將要選擇，呢個夏天其中一位西班牙門將可能會加盟。意大利媒體透露，愛斯賓奴既門將卡斯利拿都係皇馬希望引入接班卡斯拿斯既目標。如果卡斯利拿投奔皇馬，米蘭應該會引入卡斯拿斯。
自從一年半之前被摩連奴打入冷宮之後，皇馬門將卡斯拿斯响班拿貝既日子一直都唔好過。安察洛堤沿用狂人既做法，俾32歲既迪亞高盧比斯出任球隊主力門將，而為左安慰皇馬隊長，卡斯拿斯只有响歐聯先有出場機會，西班牙國門甚至面臨失去國家隊主力既風險。為左尋求更多既機會同保持自己既尊嚴，聖卡斯可能係夏季離開效力多年既銀河戰艦。
《Mediaset》指，皇馬希望引入昔日青訓球員卡斯利拿黎接班卡斯拿斯。同皇馬隊長相比，卡斯利拿既名氣少好多，呢位出生於西班牙既球員係14歲時就加入皇馬青訓營，但由於卡斯拿斯既主力地位不可撼動，佢只可以係21歲時選擇投奔愛斯賓奴。不過如今卡斯利拿已經成為西甲最出色既門將之一，佢既撲救次數响聯賽位列前茅，愛斯賓奴都成為聯賽中失球最少既球隊之一。
卡斯利拿都回應重返皇馬既傳聞，「我去皇馬？呢啲只係傳聞，完全同事實不符。」除左皇馬之外，AC米蘭都想從愛斯賓奴得到卡斯利拿。紅黑軍團上年夏天就對佢產生濃厚興趣，佢地考慮引入卡斯利拿接班年事已高既艾比亞迪。呢個夏天AC米蘭打算捲土重來，將卡斯利拿帶到聖西路。
如果皇馬同米蘭同時收購，相信卡斯利拿唔難作出選擇。意大利媒體指，假如卡斯利拿投奔皇馬，AC米蘭可以追求聖卡斯。而佢都係紅黑軍團既緋聞對象，即管已經33歲，但卡斯拿斯既實力同經驗係AC米蘭所需要。係更後生既卡斯利拿，定係經驗老到既卡斯拿斯，AC米蘭仍要作出選擇。