皇馬敲定兩名天才少年,貝迪斯新星中場及國家隊U19隊長即將加盟

足球轉會消息 於 31/07/2015 發表 收藏文章
琴日《馬卡報》嘅封面,俾三個人分享左。一則消息係拉莫斯將同皇馬續約到2020年,另一則消息就係皇馬敲定左兩名天才少年:「白色嘅未來」,《馬卡報》咁樣評述。其中一人,係效力於薩拉戈薩嘅西班牙U19國青中堅隊長巴列霍,佢嘅加盟之前已經由《阿斯報》確認。另一人,就係貝迪斯嘅新星中場斯巴路斯。
斯巴路斯一星期後將年滿19歲,佢係場上司職攻中,並以主力身份參加左無耐前嘅U19歐青賽決賽。斯巴路斯8歲就加盟左西維爾青訓營,但係係2009年因慢性支氣管炎而被放棄。係一隊家鄉球隊效力兩年之後,斯巴路斯係2011年加盟西維爾嘅同城死敵貝迪斯。
上季中,斯巴路斯正式升入貝迪斯一隊,並係35場西乙聯賽中攻入5球,貝迪斯都以聯賽首名身份殺入西甲。《馬卡報》並未透露斯巴路斯嘅轉會細節,但確認佢將會係下季被皇馬租借番到貝迪斯。除此之外,阿辛斯奧都有可能被租到貝迪斯。阿辛斯奧都係西班牙U19國青隊嘅核心球員,佢唔願意係皇馬B隊踢西丙,皇馬因此決定將佢出租。

如果喜歡我們的文章,請即分享到︰

留言


請按此登錄後留言。未成為會員? 立即註冊
  • Ferg 於 31/07/2015 評論 NO. 1

    what's their English name??

快捷鍵:←
快捷鍵:→