皇馬如果續約C朗代價驚人，考慮緊同唔同佢續約 精選

「開創C朗既時代」，《馬卡報》之前係頭版頭條咁樣報導。據報透露，佩雷拉希望同C朗續約到2018年，目標係下季開始前正式完成續約。《阿斯報》就為皇馬計左一筆經濟賬，如果白衣軍團留住C朗並為佢加薪既話，未來五年一共需要為佢支付1.66億歐元既稅前薪水。
據《阿斯報》透露，C朗目前既稅後年薪為1000萬歐元，佢既合同將係2015年夏天到期。皇馬希望為C朗加薪到1500萬歐元，但葡萄牙人既要價係2000萬歐元。咁係世界足壇最高薪水，目前只有伊度奧係安捷能賺到呢個價碼。
C朗目前既個人所得稅為24%，佢仲受碧咸法則保護。不過係續約之後，C朗將唔會受到碧咸法則保護，佢既個人所得稅將暴漲到52%。未來兩年內，皇馬需要為C朗支付合計2000萬歐元既稅後薪水。係2015到2018年期間，如果C朗以2000萬歐元既稅後年薪續約既話，皇馬支付既稅後薪水將達到6000萬歐元。咁姐係話，未來五年皇馬需要為佢支付8000萬歐元既稅後薪水。換算成稅前薪水，皇馬未來五年需要為C朗支付1.66億歐元既人工！
係個人肖像權方面，C朗都希望皇馬有所讓步。不過關於肖像權既報導，《阿斯報》同其他媒體並唔相同。其他媒體宣稱C朗同皇馬各自擁有佢60%同40%既肖像權，不過《阿斯報》稱雙方各有C朗40%肖像權，另有20%既肖像權屬於門德斯既經紀公司。C朗希望皇馬能夠讓出20%既肖像權，如果呢個要求成功既話，C朗、皇馬同Gestifute公司將分別擁有佢60%、20%同20%既肖像權。