皇馬即將續約兩名大將！ 精選

德國中場基迪拉係媒體眼中一直被視為係安察洛堤陣中可有可無既人。英國媒體以及西班牙媒體都曾經報導摩連奴希望將基迪拉帶到車路士，此外上星期既《馬卡報》仲透露消息，聲稱皇馬方面表示一旦收到合適既報價，銀河戰艦就會出售基迪拉。不過，就係今個星期基迪拉既事情峰迴路轉。據基迪拉經紀人親口證實，基迪拉正準備同皇馬續約。
據德國媒體《圖片報》既消息，基迪拉既經紀人向媒體證實佢正係度同皇馬商談基迪拉續約一事，當然唔係商談轉會一事。佢強調基迪拉將會係安察洛堤手下既重要一員，雖然新賽季皇馬既中場人才濟濟，好似巴西球員卡斯米路既強勢，不過伊拿拉文迪同阿朗素仲係度康復，伊斯高會被安排係前場，安察洛堤係中場配置仍舊以基迪拉同摩特歷為主，係同車路士既比賽入面，基迪拉既發揮有目共睹，佢有實力成為安帥不可缺少既球員。
不過呢名經理人無透露更多細節，但係唔少媒體已經挖出基迪拉既續約內容，西班牙媒體《ABC》之前報導皇馬準備延長基迪拉既新合同。德國中場目前同皇馬簽約至2015年，新合同將到2018年夏天，而且基迪拉既薪水都得到提升。
即將同皇馬續約既不止基迪拉一人，皇馬中堅華拉尼都將會得到一份新合同。據法國媒體《隊報》既消息，皇馬準備對中堅華拉尼送上一份新合約。華拉尼上季遭遇膝蓋傷勢，並且前往法國進行手術，不過宜家呢名法國國腳已經從傷病中走出。起初只係係健身房訓練既華拉尼，已經走出室內，更多同皇馬全隊係訓練場訓練，而且能夠完成安察洛堤佈置既訓練內容，預計8月底將徹底重返西甲賽場。2011年加盟皇馬既華拉尼，原初同銀河戰艦簽約至2017年，不過係過去一季華拉尼既發揮非常搶眼，皇馬高層意識到華拉尼既重要性，唔單止提高華拉尼既薪水，仲將佢既合同續約至2019年。華拉尼上季後半段俾摩連奴扶正，徹底成為皇馬既主力中堅，佢係面對美斯、雲佩斯、杜奧巴等球星發揮相當出色。過去既一季，佢踢左2622分鐘，打左33場比賽，仲收穫2球，另外佢只係攞到一張黃牌。華拉尼既出色發揮都贏到外界既讚譽，甚至有媒體高呼佢有實力成為世界第一中堅。華拉尼既出色表現，都令佢成為一啲歐洲球隊巴塞羅那、車路士等球隊既目標，不過今次皇馬選擇同華拉尼續約，唔單止提高華拉尼既薪水，亦都將華拉尼既違約金大幅度提高。