皇馬仍舊為卡卡標價2500萬歐元，已拒絕米蘭銀河報價！ 精選

根據《馬卡報》報導話，皇馬仍然將卡卡視為頂級既球員。即管摩連奴唔重用卡卡，但係佩雷拉依然堅信，巴西人有足夠既市場價值。係上半賽季入面，卡卡一共只為皇馬踢左12場比賽，其中佢只有1次踢哂全場。巴西人既數據，係2個入球同2個助攻。即使係咁，佩雷拉仍然為卡卡標出左2500萬歐元既價碼。
2500萬歐元？呢個距離AC米蘭同洛杉磯銀河既報價相差實在太遠。AC米蘭甚至唔想為卡卡俾轉會費，係巴西人願意降薪既情況之下，紅黑軍團仍然只係希望能夠免費租借卡卡。洛杉磯銀河都幾願意買斷卡卡，但佢既報價只有600萬歐元，呢個仲未到皇馬要價既1/4。

照目前情況黎睇，反而係巴西球隊富明尼斯更加有可能得到卡卡。富明尼斯既主席係巴西國內最有錢既巨富之一。佢希望引入卡卡，以方便競技實力同媒體價值兩方面提升富明尼斯。《馬卡報》仲指出，Adidas都希望將卡卡運番去巴西。卡卡係Adidas既招牌球星之一，Adidas唔希望巴西人係皇馬漸漸俾人遺忘！