熱刺中場接近回歸老東家！ 精選

據《圖片報》最近既獨家消息，熱刺中場賀治比接近回歸老東家史浩克04，球員同史浩克方面都對重新合作充滿期待。
自從一年前加盟熱刺之後，賀治比始終未能係熱刺一線隊得到穩定既出場時間，咁都令之前一直嚮往英超既賀治比感到沮喪，而係新帥舒活上任之後，呢一個情況仲未得到改善，球員既經紀人之前都曾表示將會同新帥對話，佢地想知舒活既未來計劃中係唔係仲有賀治比。
而據一位同賀治比親近既知情人士係接受英國媒體採訪果陣透露：「賀治比對於自己係熱刺既未來感到愈黎愈迷茫，佢擔心自己唔再適合呢到，佢非常希望重新回歸史浩克，如果有一份合適既報價送上，佢會考慮。」
對於史浩克方面黎講，係基治賀夫因傷休戰以及鐘斯確定離隊既情況下，佢地都急需補強中場，宜家既唯一問題就係兩間球會能唔能夠就轉會費達成一致。而另據《圖片報》既消息，賀治比本人星期日晚間甚至已經番到德國，不過據佢自己表示，佢只係黎參加一部新電影既首映式。