派路：「發夢都估唔到當年哥帥會邀請我加盟巴塞」 精選

近日祖雲達斯中場派路發表左一本自傳，佢係書中透露左2010年哥迪奧拿曾經力勸佢從AC米蘭加盟到巴塞。早係當年8月份既甘伯杯比賽前，哥迪奧拿就曾經表現出對派路既渴望。
哥帥話俾派路知，雖然巴塞已經夠強大，但係佢需要有一個人選黎同沙維，恩尼斯達同布斯基斯進行輪換，佢表示派路既加盟會係一筆錦上添花既交易。係米蘭同巴塞進行甘伯杯比賽後，哥帥邀請左派路去到佢既辦公室，詳細講左佢既諗法，哥帥盡自己最大努力去說服派路加盟。
哥帥表示，巴塞已經同米蘭進行接觸，可惜米蘭方面並唔願意放人。哥迪奧拿仲對派路講：「我一直好鍾意你呢名球員，我希望能夠成為你既教練。」哥帥既呢番話令派路感到非常驚訝，派路表示佢發夢都估唔到哥帥會對佢講呢番說話。