法卡奧施壓皇馬盼早日轉會，迪馬利亞價格降至6500萬 精選

如果皇馬陣容仲有缺陷嘅話，咁就係中鋒位置上深度唔夠，賓施馬係唯一嘅中鋒人選。皇馬同法卡奧嘅緋聞傳左好耐，但卻遲遲唔見進展，法卡奧已經等唔切。據《每日體育報》報導指，法卡奧已經通過經紀人文德斯主動施壓皇馬，佢希望皇馬盡快完成自己嘅轉會，唔想再繼續效力於摩納哥。
為左加盟皇馬，法卡奧今夏拒絕左曼城、利物浦、阿仙奴等多支球隊嘅追逐。而皇馬之所以敢放走莫拉達，好可能係得到法卡奧加盟嘅承諾。但目前問題在於，皇馬暫時未有多餘嘅非歐盟球員名額比法卡奧。要想引入法卡奧，皇馬就必須盡快清洗一意走人嘅迪馬利亞。
皇馬想送走迪馬利亞，迪馬利亞也想離隊，目前巴黎同曼聯係佢嘅追求者。《每日體育報》指出，為左盡快送走迪馬利亞，皇馬已經將其要價由8000萬歐元降低至6500萬歐元，佩雷斯近期都同曼聯、巴黎聖日耳門兩隊代表進行會面。PSG為迪馬利亞開出800萬歐元嘅稅後年薪，而曼聯無法開出類似嘅報價，但雲高爾已經打左電話比迪馬利亞，建議佢由職業生涯嘅角度考慮選擇曼聯。