法卡奧不滿摩納哥，欲二次轉會自薦皇馬遭拒絕！ 精選

响今夏轉會期，法卡奧以6000萬歐元既天價加盟摩納哥，摩納哥為佢開出左1400萬歐元既年薪。但係宜家，法卡奧先後悔。根據《馬卡報》透露，法卡奧想離開摩納哥，佢自薦皇馬但係遭到佩雷斯拒絕。
對於摩納哥既整體規劃，法卡奧覺得並唔滿意。法卡奧原先希望摩納哥今個賽季能夠競爭到法甲冠軍，但除左佢之外，摩納哥並未有買任何頂級球星。摩納哥用錢唔少，但實力就未達到巴黎聖日耳門既境界。對於球隊高層既政策，法卡奧無法理解。
令法卡奧不滿既，仲有稅率問題。按照法律，响摩納哥工作既外籍員工唔需要繳納個人所得稅。咁姐係話，法卡奧每年都可以得到1400萬歐元既人工。但據《馬卡報》報導，法國政府強令摩納哥既外籍球員都上繳個人所得稅。摩納哥係法甲立身，法國政府因此強迫摩納哥球員好似其他球隊咁樣繳稅。法國個人所得稅大概50%，姐係話法卡奧既年收入將縮水到700萬歐元。只係拎到700萬歐元？早知係咁，法卡奧又何必離開馬體會呢？
據《馬卡報》透露，法卡奧無幾耐之前主動自薦皇馬。係摩連奴時代，狂人好希望得到法卡奧。但宜家，摩連奴離開左皇馬，佩雷斯拒絕左法卡奧。即使失去左希古因，但佩雷斯仍然更希望引入巴爾而唔係法卡奧。一朝天子一朝臣，法卡奧如今已經唔係皇馬既引援名單之上。
《馬卡報》指出，法卡奧最終既下家，有可能係曼聯或者車路士。關鍵係朗尼身上，如果朗尼加盟車路士，曼聯有可能獲得法卡奧。而如果朗尼留响曼聯，法卡奧就有可能去車路士。轉會方式尚未確定，不過冇咩可能有其他球隊為法卡奧開出6000萬歐元贖身費。如果法卡奧執意離隊既話，租借既可能性相對較大。