死心不息!摩納哥仍希望引入朗尼

足球轉會消息 於 07/10/2014 發表 收藏文章
近日有媒體指出,法甲摩納哥嘅副主席以及老闆雷波洛夫列夫堅​​信,雖然朗尼同曼聯啱啱續約並能夠係曼聯攞到超高薪,但係佢地都係謀求引入佢。
該隊副主席表示,「一年前,我地就曾經同一位英超最頂級嘅球星商談轉會,我地當時已經為對方提供左合同,但係轉會最終未能成行,但我堅信有朝一日我地會簽下咁嘅頂級球星。」其實呢名超級球星就係指朗尼。上年夏天,摩納哥曾經想簽下朗尼,並且佢地為朗尼仲開出左一份超高薪合同。不過,朗尼最終都係係今年選擇左同曼聯續約,佢同曼聯簽訂左一份五年半嘅新合同。
近幾年,法甲新貴摩納哥成為左歐洲足球壇一支不可忽視嘅力量,但係最近佢地勢頭有啲減弱。今年夏天球隊中嘅球星法卡奧同占士洛迪古斯都轉會離開左球隊。而摩納哥老闆雷波洛夫列夫都遭遇左一啲麻煩,佢因為同妻子離婚,損失左將近27億英鎊嘅財產。
雖然係咁,摩納哥副主席都係強調球隊嘅目標係追趕同樣係最近幾年崛起嘅法甲豪門巴黎聖日耳門,而朗尼就係佢地嘅目標之一。佢話,「我真係唔想將摩納哥同其他任何球會比較,我地嘅目標就係贏得法甲冠軍。我唔想為此擬定一個具體嘅日期,但係我地希望能越快越好。此外,我地仲想能夠經常參加歐聯。」

留言


請按此登錄後留言。未成為會員? 立即註冊
  • ric chung 於 07/10/2014 評論 NO. 1

    快d賣啦!!利申:曼迷!

  • tinchi3721 於 07/10/2014 評論 NO. 2

    希望唔係假嫁啦

快捷鍵:←
快捷鍵:→