權威媒體指沙維將離巴塞，2016年加盟紐約城再與韋拿合作 精選

上年夏天，沙維一度打算加盟紐約城，但安歷基勸佢留隊。但係遲啲，沙維應該會去紐約城。據權威媒體《賽爾電臺》報導稱，沙維係2016年將會為紐約城效力。據《賽爾電臺》報導稱，一名餐廳服務員無意間見證左一場秘密午餐。參加呢次午餐嘅，有沙維、沙維爸爸、沙維經紀人同一名曼城嘅特使。紐約城創立無幾耐，而呢隊係由曼城一手打造嘅「衛星球會」。
係呢次午餐中，沙維同呢名曼城特使達成一致，佢會係2016年為紐約城效力。考慮到曼城同紐約城嘅特殊關係，曼城高層的確能夠代替紐約城作出任何決定。
加盟紐約城？沙維將會同大衛韋拿再度成為搭檔，韋拿已經係上年離開馬體會加盟紐約城。係巴塞同西班牙國家隊中，沙維傳波韋拿破門已經成為左最為傳統嘅得分方式之一，紐約城球迷將有機會現場親眼目睹西班牙歷史最佳中場同最佳射手嘅完美配合。宜家嘅問題，就在於沙維幾時離開巴塞。按照常理，沙維會係今夏離開巴塞。但巴塞今年夏天無法引援，一旦沙維離隊嘅話，下季前半段嘅中場陣容深度會被削弱。以沙維對巴塞嘅忠誠度，佢好可能會係巴塞踢完2015年嘅比賽，然後係2016年1月巴塞中場引援之後，再去美國體現新嘅足球人生。