槍手欲購法甲第一鋒霸,上季入球數僅輸美斯C朗

足球轉會消息 於 25/07/2015 發表 收藏文章
擁有基奧特、山齊士、禾確特、張伯倫、韋碧克等優秀前鋒嘅阿仙奴,今夏係唔係仲有必要引入頂級射手?呢個問題如果由亨利回答,佢肯定俾出「係」嘅答案。事實上阿仙奴主帥雲加都的確關注緊一名優秀前鋒——里昂鋒霸拿卡錫迪,但問題係,里昂如今就為其標出天價。
早係上季初,唔少英國媒體就曾相繼透露,拿卡錫迪進入左阿仙奴主帥雲加關注視野,今年1月,傳聞雲加有意求購,而就係近期,類似嘅說法再度見諸報端。對於阿仙奴方面所表達出嘅意向,里昂主席奧已經給予回應。
里昂主席係接受《隊報》採訪時就話:「假如出現一份5000萬至6000萬歐元嘅報價,毫無疑問,我當然就會著手準備俾拿卡錫迪離隊,並會預祝佢能夠好運。不過,就我目前感覺黎睇,佢應該會留係法國,咁有助於降低無緣歐洲賽嘅風險,更何況,我地里昂都有意係新賽季全面雄起。」
拿卡錫迪憑咩能被標價5000萬至6000萬歐元?當然係基於佢上季表現太過優異,呢名24歲嘅法國現役國腳上賽季代表里昂係法甲出戰33場比賽,攻入27球,縱觀歐洲五大聯賽,入球數比佢更多嘅只有美斯同C朗,力壓伊巴、卡雲尼等人攞到法甲金靴嘅佢同時仲被評選為上季法甲MVP。

如果喜歡我們的文章,請即分享到︰

留言


請按此登錄後留言。未成為會員? 立即註冊
  • jacob2013 於 25/07/2015 評論 NO. 1

    基奥特當年都係法甲鋒霸

快捷鍵:←
快捷鍵:→