柏帥面臨今季四大皆空，曼城鎖定哥帥取代智利工程師 精選

據《每日鏡報》、《衛報》等消息透露，如若柏歷堅尼未能夠帶領曼城奪得英超聯賽冠軍，面臨今季四大皆空嘅境況，咁藍月亮將會選擇換帥，而人選包括左哥迪奧拿、施蒙尼同賓尼迪斯等頂級教練。
曼城係上季奪取英超聯賽冠軍同聯賽杯冠軍，今季就面臨尷尬境況，唔單止係聯賽杯同足總杯中出局，更係係歐聯淘汰賽首回合中以1:2輸俾巴塞，晉級難度相當大。另外，目前係英超賽場上，藍月亮係多賽一場嘅情況下仍然落後車路士5分。亦姐係話，柏歷堅尼嘅球隊有可能係今季面對四大皆空嘅境況。
據《每日鏡報》和《衛報》消息，如果柏歷堅尼無辦法係未來10場英超比賽，以及同巴塞嘅1場比賽中挽救自己，咁曼城將選擇解雇佢。《每日鏡報》甚至表示，曼城已經鎖定新帥，拜仁嘅哥迪奧拿係佢地嘅理想人選，但目前哥帥同拜仁之間嘅合同要到2016年先到期。而《衛報》仲表示曼城都對馬體會主帥施蒙尼同拿玻里主帥賓尼迪特斯有興趣。