曼聯車路士搶馬體會中堅,合同剩一年或被逼放人

足球轉會消息 於 09/06/2015 發表 收藏文章
西班牙媒體曝出馬體會打算回購迪亞高哥斯達後,英媒《每日電訊報》披露藍軍同曼聯將爭奪馬體會嘅巴西後衛米蘭達,佢嘅合同仲剩番一年,身價低於2000萬英鎊。
米蘭達同馬體會嘅合同仲剩低一年,馬體會今夏好可能被迫套現。過去佢地為米蘭達標價2200萬英鎊,但係宜家30歲嘅佢身價已低於2000萬。馬體會已經向車路士推銷比利時後防多面手艾達韋列特,但摩連奴更想要經驗豐富嘅米蘭達。
摩帥一直青睞皇馬中堅華拉尼,但賓尼迪斯上任後會阻止呢單交易,而相比其他頂級後衛,米蘭達嘅身價相對便宜好多,並且簽約難度更細。不過就算米蘭達加盟藍軍,佢都唔一定能夠撼動卡希爾同泰利嘅主力位置。藍軍呢對本土中衛搭檔異常穩健,34歲嘅老將泰利更係英超賽季全勤。
英媒稱上年夏天米蘭達接近加盟曼聯,歐聯決賽輸俾皇馬後佢已經向馬體會隊友告別,但馬體會2200萬英鎊嘅要價最終令交易流產,不過今次佢嘅身價已有所下降。據悉米蘭達已經同馬體會高層會面商談過未來嘅問題,而且告知朋友佢今夏好可能離隊,若加盟曼聯佢有望踢上主力。

留言


請按此登錄後留言。未成為會員? 立即註冊
  • cfszeto 於 13/06/2015 評論 NO. 1

    聽聞跌哂watt 要唔過

快捷鍵:←
快捷鍵:→