曼聯準備3000萬求購大衛雷斯！ 精選

據英國《每日鏡報》報導，曼聯係轉會窗口關閉前正係度醞釀一筆令人驚訝既交易，紅魔將會出價3000萬英鎊向車路士求購巴西中衛大衛雷斯。
曼聯新主帥莫耶斯曾經秘密接觸呢位巴西國腳，後者都曾經係巴塞既獵物。莫耶斯認為大衛雷斯色彩斑斕既個性可能唔係摩連奴所鍾意既類型，因為一向嚴謹治軍既摩帥唔想係後防線上冒任何風險，而莫耶斯願意將雷斯帶到奧脫福。
如今曼聯既主力中堅組合係維迪同費迪南，但係兩人年事漸高，越黎越頻繁既遭遇傷病困擾，更何況曼聯每個賽季既比賽任務都非常繁重。《每日鏡報》透露，曼聯睇中雷斯已經有一段時間，莫耶斯希望能夠通過雷斯係車路士陣中充滿未知數既前景從而捕獲呢位心儀獵物。
《每日鏡報》仲強調，曼聯並唔會將朗尼作為得到雷斯既籌碼，紅魔寧願無辦法得到雷斯，都唔希望係得到一名球員後失去另外一名球員。