曼城CEO會晤皇馬主席，告知任何價錢都唔出售阿古路 精選

無左阿古路係到，曼城戰績馬上下滑。0:1不敵車路士之後，藍月亮又俾諾域治0:0悶和。曼城好清楚阿古路既重要性，佢地既首席執行官已經當面話俾皇馬主席佩雷斯知：「阿古路任何價錢都唔賣！」
2011年，曼城以4500萬歐元從馬體會簽下左阿古路。黎到曼徹斯特之後，阿古路好快就適應左快節奏激烈拼搶既英超大環境，呢幾年佢既入球率一直好穩定。今季迄今，阿古路17場聯賽攻入15球並送出5次助攻，表現神勇無比。
皇馬除左C朗，一直缺乏一個穩定既得分點，佢地好想將阿古路招致麾下。一直以黎都有一種講法，指阿古路將曼城視為左轉會皇馬既跳板，但係藍月亮一直否認呢件事。皇馬想簽阿古路，曼城要買比比，兩隊係球市上有左交集。
《星期日鏡報》援引西班牙媒體既消息指，日前，曼城CEO同皇馬主席有過一次面談。結果曼城當面拒絕左「老佛爺」收購阿古路既請求，並且強調任何價格都唔賣阿古路。西媒稱曼城主席既表態「好明確好決絕」。曼城5:1大勝熱刺，阿古路右腿腿筋不幸受傷。柏歷堅尼證實佢仲需要3星期既休整，無緣歐聯十六強首回合同巴塞既較量。養傷期間，阿古路一直堅拒西班牙媒體既採訪，因為佢擔心記者再次炒作佢既未來。曼城將阿古路視為非賣品，一方面因為阿根廷人入球產量高，係球隊既護身符，另一方面都因為阿古路身上有巨大既商業價值。曼城一直係敦促市場行銷部門，深度挖掘阿古路市場價值，為曼城招攬更多贊助。