曼城5000萬報價普巴遭拒，祖雲達斯睇中多蒙特中場 精選

係歐聯最後一場小組賽上，曼城2球戰勝羅馬，成功晉級歐聯淘汰賽。能夠闖出死亡之組令曼城老板非常滿意，並且願意為球隊繼續投資引援，而佢地睇中左祖雲達斯法國中場普巴。呢位21歲小將目前係祖雲達斯同法國國家隊都係絕對主力，並且係唯一入圍2014年金球獎23人候選名單嘅意甲球員。
據英國媒體透露，曼城已經為普巴開價5000萬歐元，希望係明年夏天將佢簽下取代可能離開嘅耶耶托利，不過《足球市場》稱，祖雲達斯唔想放走呢位潛力巨大嘅新星，並且已經拒絕左曼城開出嘅呢份超級報價。祖雲達斯係今年10月已經成功同普巴續約至2019年，而且同樣都從歐聯小組出線，獲得足夠嘅收入，並唔急於賣人。
《足球市場》還指出，雖然以意甲聯賽嘅現狀，祖雲達斯好難永遠留住普巴，但至少未來幾年內佢地都會繼續重用呢位小將。反而隊內嘅另一位中場主力維度爾係明年夏天轉會嘅可能性更高。今夏維度爾就同曼聯等歐洲豪門傳出緋聞，而且佢嘅態度都好曖昧，佢願意嘗試去更高水準嘅球隊踢波，祖雲達斯挽留佢嘅難度比普巴更大。
當然祖雲達斯都已經開始提前做準備，佢地睇中左多蒙特中場根度簡，並且準備係明年夏天出手求購。媒體指出，根度簡嘅合同係2016年就要到期，佢嘅身價並唔高。而且目前根度簡已經傷愈復出，逐漸恢復狀態。對於祖雲達斯黎講，引入根度簡既可以作為維度爾走人後嘅替代者，都能令根度簡逐步取代年齡日益增長嘅老將派路。