曼城高層開「綠燈」讓柏帥留隊，皆因挖角哥帥失敗

據英國媒體《每日鏡報》消息，曼城主帥柏歷緊尼上星期同曼城董事會主席進左一次會談，智利人得到左認可，下季將繼續執教藍月亮。
今季曼城係英超衛冕失敗，歐聯賽場都無攞到令人認可嘅成績，好多人都認為球會會炒左主教練柏歷堅尼。上星期日，柏歷堅尼就同董事會主席進行左一次會面，佢地就今季曼城嘅表現進行左總結，並且探討左下季嘅計劃。柏歷堅尼獲得高層嘅認可，後者為佢下季留隊開左「綠燈」。
點解係一個四大皆空嘅賽季後曼城依然俾智利人執教？《每日鏡報》分析咁只不過係因為球會暫時無辦法得到心儀嘅主教練哥迪奧拿，先迫不得已繼續選擇信任柏歷堅尼，畢竟佢執教球隊首季就帶黎左英超冠軍。
至於之前同曼城傳出過緋聞嘅安察洛堤、高普等，曼城方面認為與其換呢啲人冒風險，柏歷堅尼先係最好嘅選擇。此外曼城賽季嘅出色表現都為柏歷堅尼贏得信任，球會認為今季球隊戰績差並唔係全部教練嘅錯，球員表現唔夠好都係原因之一，相信下季柏帥依然有可能率隊衝擊冠軍。