曼城與皇馬搶前鋒，盯上法卡奧希望先租後買

哥倫比亞巨星---「老虎」法卡奧一直都係轉會市場上嘅熱門人物，好多大牌球隊都對呢位目前效力於摩納哥嘅前鋒垂涎三尺，其中以皇家馬德里同曼城嘅態度最為積極。但由於法卡奧之前係馬體會球員以及皇馬受限於財政公平法案，「老虎」轉會到銀河戰艦似乎有啲困難，令曼城睇準到機會。
據《每日郵報》指，宜家曼城已經準備先以租借嘅形式引入法卡奧（避免違反財政法案），隨後再搵合適嘅時機對佢買斷。無論係曼城定係皇馬，租借法卡奧似乎係兩間球會引入佢嘅唯一途徑。兩間球會認為簽啱啱傷愈復出嘅球員係一個冒險之舉。
摩納哥認為法卡奧嘅租借費為1250萬歐元，呢筆金額同球隊比法卡奧嘅年薪一樣；2013年，摩納哥老闆以6000萬歐元簽下法卡奧，當時球會同佢簽署左一份為期4年嘅合約。雖然柏歷堅尼嘅球隊能夠提供更高嘅薪金，但係球員本人嘅意見有一定份量。《阿斯報》認為，目前皇馬引入法卡奧嘅可能性為70%，而曼城嘅可能性只有30%。