曼城老板7年內燒7.2億購46人，史達寧望組成曼城版SAS組合

曼城用4900萬英鎊簽下史達寧後，《每日郵報》統計曼蘇爾酋長2008年入主後已豪擲7.2億英鎊買左46人，平均每名球員嘅身價為1560萬英鎊。自從2008年曼蘇爾酋長強勢入主曼城，從此藍月亮踏上豪門路。
除左史達寧，曼城花3250萬英鎊從皇馬簽下羅賓奴，2500萬簽下迪維斯，2500萬簽下艾迪巴約，2400萬簽下耶耶圖雷，2300萬簽下巴洛迪利，2400萬簽下大衛施華，3800萬簽下阿古路，3400萬簽下費蘭甸奴，3200萬簽下文加拉以及2500萬簽下博尼，超過2000萬同3000萬嘅大手筆接踵而至。
加盟新東家後，史達寧非常期待同兩位當家球星阿古路以及施華合作，組成曼城版SAS組合，而呢個組合嘅身價高達1.1億。2013-14賽季史達寧係紅軍版SAS組合身邊如魚得水，為佢地輸送彈藥，並踢出左個人最佳賽季，助紅軍重返歐聯。
阿古路係上季嘅英超金靴得主，攻入26球，而且佢學習美斯咁改變飲食結構，傷病逐漸減少；施華就攻入12球助攻7球，係隊內第二號射手。史達寧將成為曼城進攻嘅又一利器，藍月亮版SAS組合令人期待。