曼城準備「三顧茅廬」再報價史達寧，若合適紅軍或放人

據《每日電訊報》消息，曼城將會係今個星期對史達寧提出第三次報價，唔知「三顧茅廬」之後利物浦會唔會選擇放人。而史達寧本人都一直公開表示自己希望離開晏菲路，加盟一隊能夠爭奪聯賽冠軍，參加歐戰嘅球隊。
雖然史達寧嘅轉會傳聞依舊無停過，但佢都係會係假期結束之後回歸球隊，跟隨紅軍前往曼谷進行季前熱身賽。目前為止，曼城一共為求購史達寧遞上左兩份報價，一份為3000萬英鎊，一份為4000萬英鎊，但都俾紅軍拒絕。
據悉，利物浦嘅心理價位為5000萬英鎊，且態度十分強硬，攞唔到呢個價位唔放人。另一方面，史達寧已經拒絕同紅軍進行續約，其經紀人嘅無理態度更係令紅軍高層非常憤怒。目前史達寧同利物浦之間仲剩低兩年合同期，之前羅渣士並唔同意史達寧係今夏離開晏菲路，但如今，紅軍已經先後簽下米拿、費明奴、基尼等強援，對於史達寧嘅態度都無之前強硬，如果能夠得到一份滿意嘅報價，紅軍唔介意放人。