曼城五年一億肥約邀哥帥,金元攻勢吸引拜仁主帥加盟

足球轉會消息 於 06/08/2015 發表 收藏文章
據英媒《太陽報》消息,哥迪奧拿好可能係明夏成為曼城主帥,係新聞發布會上,佢暗示唔會輕易同拜仁續約,而英媒稱,為左聘請哥帥,藍月亮已經準備左一份為期5年、薪資總價值達到1億英鎊嘅超級合同。
哥帥同拜仁嘅合同係2016年夏天到期,截止到目前,雙方仲未開啟續約談判,係傾到自己嘅未來果陣,哥帥表態,「我係拜仁嘅主教練,係呢到我非常開心,我仲未決定自己嘅未來,當我做決定果陣,我會通知路明尼加、森馬同漢尼斯。我地其實仲有好多時間,一旦我決定續約,咁我必須先確認咁做係對球會最好,我唔想成為拜仁嘅一個問題,我會竭盡全力做到最好,另外,我都無收到其他任何一間球會嘅報價。」
雖然哥帥矢口否認已經接到曼城報價,但係英媒《太陽報》解讀,拜仁主帥嘅表態其實係暗示唔會同拜仁續約。《太陽報》稱,曼城將盡全力邀請哥帥係明夏黎到伊蒂哈德,金元攻勢當然係曼城慣用,為左吸引哥迪奧拿,曼城方面準備左一份為期5年、年薪2000萬英鎊嘅合同,亦即係話呢份超級肥約嘅價值1億英鎊。
曼城嘅首席執行官同主管都曾經係巴塞同哥帥共事,佢地兩人將盡力說服哥帥前來執教。值得一提嘅係,德國名宿艾芬堡就預言哥帥會係明夏離開拜仁,「我敢肯定,我都可以咁講,哥迪奧拿係2016年之後就唔係拜仁主帥。」

留言


請按此登錄後留言。未成為會員? 立即註冊
  • tinchi3721 於 06/08/2015 評論 NO. 1

    唔知幾耐比人抄呢

快捷鍵:←
快捷鍵:→