曝「新卡恩」通過體檢,巴塞1200萬鎖定門神

足球轉會消息 於 05/03/2014 發表 收藏文章
域陀華迪斯既去向唔明朗,巴塞就已經為佢搵定接班人。之前德國同西班牙媒體一直宣稱紅藍軍團睇上左史迪根,日前《每日體育報》確定巴塞已經鎖定左佢。據該報透露,史迪根已經通過左巴塞既秘密體檢。
史迪根雖然只得21歲,但已經响慕遜加柏踢左幾年主力,並且都已經為德國國家隊出戰。史迪根同慕遜加柏既合同响2015年夏天到期,令巴塞可以係今夏引援時盡量壓低佢既轉會費,話哂一年後史迪根就可以自由轉會。最終雙方球會傾掂,史迪根將以1200萬歐元加盟巴塞,並且佢提前通過左紅藍軍團既體檢。
响德國足壇,史迪根既前途被廣泛睇好。但係前巴塞門將羅士圖列巴睇黎,史迪根係魯營既生涯好可能充滿坎坷:「史迪根有唔錯既腳下功夫,巴塞要求守門員技術全面,佢會有唔錯既表現。但史迪根仲未到域陀華迪斯既層次,而且好少德國門將能响西班牙取得成功。」
由羅士圖睇起黎,巴塞最應該做既就係留住域陀華迪斯:「係域陀華迪斯好細既時候,我就識佢,果陣時佢唔係幾可靠。宜家佢非常成熟,經驗豐富,我希望佢能繼續留响巴塞。唔應該離開,佢應該係巴塞踢到退役,佢有必要重新考慮自己既決定。」

留言


請按此登錄後留言。未成為會員? 立即註冊
    快捷鍵:←
    快捷鍵:→