曝巴塞一名巨星自薦皇馬，費高事件誰重演？ 精選

著名經紀人加拉多，係宜家西班牙媒體圈中既紅人。佢準確咁話巴爾將會响轉會期截止前加盟皇馬，佢都率先曝光皇馬願意以4500萬到5000萬歐元既價格出售奧斯爾，加拉多係最近接受《點球點》欄目採訪時扔出一個炸彈，佢宣稱「一名巴塞頂級巨星自薦皇馬」。如果呢筆轉會成真既話，費高算係「後繼有人」。
「上星期五，皇馬係班拿貝接待一名客人，呢個係巴塞一名頂級巨星既顧問。佢咁次去皇馬既目的係想問清楚，皇馬願唔願意簽下呢名球員。」加拉多既呢番說話，立即係西班牙媒體圈中引發左地震。

巴塞巨星自薦皇馬？巴塞目前既主力陣容中，只有域陀華迪斯確定會响出年夏天合同到期後自由轉會。域陀華迪斯自薦皇馬？加拉多明確指出，呢個人唔係域陀華迪斯，但係佢又拒絕透露呢個人到底係邊個。
巴塞巨星行列中，目前前途最唔明朗既係恩尼斯達。美斯、沙維上季岩岩續約，尼馬加盟巴塞前就拒絕左皇馬，恩尼斯達同巴塞既續約似乎陷入困境中。西媒稱恩尼斯達索要1700萬歐元既稅後年薪，巴塞唔願意承擔。而且恩尼斯達既合同，將會响2015年夏天到期。
呢個人到底係唔係小白？多位記者發表左睇法。一名記者就話小白同巴塞已經談掂續約，小白會係年底前簽署新合同。另外一名記者就表態，話巴塞願意為簽下恩尼斯達而支付一億歐元。不過加拉多提醒呢位記者，小白合同將會响2015年到期，買佢唔需要支付一億歐元。