文仙尼欲拯救巴洛迪利，或先租後買簽回昔日愛徒 精選

巴洛迪利自從加盟利物浦後，一直係新聞輿論嘅焦點人物，而媒體關注佢嘅原因並唔係係場上嘅表現，而係巴神係場下一系列難以置信嘅行為，近日，巴神仲因為發表種族歧視嘅言論成為球迷抨擊嘅對像，英足總已經話如果事件屬實，將嚴懲巴洛迪利。係英國並唔開心嘅意大利人，似乎係度等待救世主黎拯救自己，而文仙尼係呢個時候出現就恰到好處。
據《意大利足球》披露，文仙尼番到國米後，第一時間打左俾巴神，兩人都傾到再次合作嘅可能性。自從今年夏天以1600萬英鎊加盟利物浦後，巴神就一直唔能夠融入球隊，目前意大利前鋒係聯賽仲未能收獲入球，咁令球隊，球迷都無法接受，畢竟利物浦當時買入巴神是為左接替蘇亞雷斯，但佢嘅表現遠未達到紅軍球迷嘅期望。
而文仙尼嘅國際米蘭目前係聯賽嘅日子都唔好過，14輪過後，球隊積17分排在第12位，縱觀球隊鋒線，問題實在唔少，無論係伊卡迪定係奧斯華度，都無辦法係關鍵時刻為球隊力挽狂瀾，而先前值得信賴嘅柏拉斯奧都32歲，文仙尼急需引入一名頂級前鋒，黎彌補球隊攻擊力嘅不足。
顯然，文仙尼將目標鎖係自己昔日弟子身上，雖然巴洛迪利只有24歲，但已經係多間豪門中證明左自己，無論係曼城定係係米蘭，佢都被委以重任，雖然目前係紅軍遇到麻煩，但文仙尼有信心帶領愛徒走出低谷。對於巴神持續低迷嘅表現，利物浦應該唔會俾佢太多時間黎調整，畢竟紅軍急需係聯賽中搶分，從而係下半季趕上歐聯嘅末班車，咁都俾左國際米蘭一個下手嘅機會。由於轉會投入有限，國米唔大可能拋重金購入巴神，所以先租後買被認為係最可行嘅一種方式。