教授將砸一億增強三位置，劍指10球星組豪華之隊 精選

阿仙奴官方宣布雲加續約至2017年，《每日郵報》稱，今年夏天教授將擁有高達1億英鎊嘅引援資金。阿仙奴增兵嘅三大位置係鋒線、中場同右閘，賓施馬、莫拉達、雷米、賓達、內田篤人等球星都係潛在目標。
《郵報》早於3月19日就透露，雲加同阿仙奴談妥左一份為期3年、年薪800萬英鎊嘅新合同。時隔兩個半月，係雲加嘅合同仲剩低31天到期嘅時候，阿仙奴官方終於宣布呢個消息，槍迷們懸住嘅一顆心總算可以放低。
雲加向球迷承諾，呢個夏天阿仙奴會積極引援鞏固陣容，「我地知道，必須經歷一個順利嘅6月同7月，呢個係鞏固球隊嘅時候。我地會令球隊注入更多實力，足總杯奪冠令我地增強信心。我地會由下季開始發力，球迷們可以期待一個大大嘅夏天。」
「我可以承諾，我地會係轉會市場上努力工作，同好多富豪球隊競爭。不過，我地嘅優勢在於，球員都想加盟我地。只要搵到合適嘅人，我地就會鞏固球隊。我們步入到一段令人興奮嘅新時光，我地陣容鼎盛，財力穩定，而且係全世界擁有廣泛嘅球迷基礎。係時候再次打造一支勝利之師，我地已經開啟左一段新紀元。」《每日郵報》透露，呢個夏天，雲加主要會係三個位置進補：右閘、中場以及中鋒。法比安斯基自由轉會史雲斯之後，雲加仲需要物色一名新替補門將。沙格拿已經確定離開，對於佢嘅替身，雲加有左3個人選：史浩克04球員內田篤人、修咸頓小將卓賓斯以及圖魯茲年輕後衛沙治歐利亞。
阿迪達嘅合同只剩一年，佢嘅未來備受猜疑。雲加已經提前物色左佢嘅接班人，今年夏天，教授嘅重點收購目標係利華古遜德國國腳賓達以及修咸頓球員舒尼達連。簽番前隊長法比加斯，都係一大選擇。中鋒位置上，阿仙奴再次同皇馬取得聯繫，希望可以買下法國射手賓施馬或者才俊莫拉達。拜仁中鋒文素基治以及紐卡素前鋒雷美，都上左雲加嘅採購清單。