摩連奴又挖老東家，昔日愛將中堅成目標 精選

摩連奴向來鍾意挖角老東家，佢第一次入主車路士果陣就將波圖挖空，係國米果陣想帶黎卡華奴，係皇馬果陣最終都係將卡華奴帶到班拿貝。而宜家，摩連奴又打算挖角老東家啦。據《每日體育報》報導指，摩連奴希望從班拿貝帶走華拉尼，車路士願意為法國人支付3000萬歐元違約金。
華拉尼雖然係施丹推薦到皇馬既，但係最終都係摩連奴將佢扶正。去年1月比比受傷，華拉尼因此成為左皇馬既主力中堅。上季下半段中，華拉尼將比比牢牢壓制係板凳席上，比比因此同摩連奴翻臉。不過係今季中，華拉尼由於傷病基本無點出場，比比重新坐穩左主力位置。
對於華拉尼，摩連奴算係有知遇之恩，佢希望法國人能夠投奔到自己帳下​​，畢竟泰利既年齡係車路士無得唔面對既難題。華拉尼同皇馬既合同簽到2017年，佢既違約金係3000萬歐元，呢筆錢完全難唔到阿布。宜家，就睇華拉尼本人既態度啦。