摩帥放棄引入朗尼,準備4000萬鎊追三大神鋒

足球轉會消息 於 16/03/2014 發表 收藏文章
二度進駐史丹福橋,摩連奴決心打造一支全新既藍軍。今年夏天,狂人最重要既,就係收購一名入球效率高既射手。《每日鏡報》援引《太陽報》既消息指,馬體會神鋒迪亞高哥斯達、拜仁中鋒文迪蘇傑以及巴黎聖日耳門箭頭卡雲尼,都上左摩帥既收購清單。
環顧車路士如今既陣容,唔難發現,球隊有穩固既防守,中場都有唔少好手輸送砲彈,唯獨鋒線上缺乏一錘定音既人物。無論係托利斯,定係伊度奧、丹巴巴亞,都冇辦法提供穩定既入球量。

摩連奴當然好清楚自己球隊既弱點,不過佢冇响冬窗倉促行動,佢打算將收購一名世界級前鋒呢個任務,留到今夏完成。 《太陽報》指出,摩帥已經有左心儀既目標,佢地分別係迪亞高哥斯達、文迪蘇傑同卡雲尼。
哥斯達今季突然突起,迄今已經攻入21個西甲入球,佢係馬體會响聯賽同歐聯雙線挺進​既最大功臣;文迪蘇傑响拜仁已經證明左自己既實力,但係利雲度夫斯基今夏轉會至拜仁,佢既主力位置面臨巨大挑戰;卡雲尼之前兩季已經响拿玻里盡顯功架,今季加盟巴黎聖日耳門後,佢既入球勢頭依然無減,但踢翼鋒令佢不滿,有可能响今夏另謀高就。
可能有人會問,點解朗尼冇上榜? 《太陽報》表示,咁係因為摩帥已經放棄左收購朗尼既計劃。上年夏天,車路士兩次報價小肥,但曼聯堅決不肯賣,藍軍只可以算數。如今朗尼同曼聯加薪續約,摩連奴都已經對佢死心。至於上文提及既三人,無論引入邊個,車路士都將付出唔少既轉會費。 《太陽報》稱,摩帥已經準備左高達4000萬英鎊既尋槍預算。
有人黎,自然有人走。摩帥大肆招引射手,好可能將盧卡古套現。比利時「小魔獸」租借至西布朗同愛華頓期間已經攻入27球,但摩帥認定佢無法响史單福橋成為棟樑之才,佢好有可能被放棄。丹巴巴亞同伊度奧都好可能响今夏離開,摩連奴希望重整鋒線,解決困擾佢地鋒線無力既頑疾。

留言


請按此登錄後留言。未成為會員? 立即註冊
    快捷鍵:←
    快捷鍵:→