摩佬重返車路士兩大條件：1200萬年薪+林柏特留隊！ 精選

隨著今季逐漸進入尾聲，有關摩連奴即將係今年夏天重返車路士執教既傳聞都係一波接一波。《鏡報》披露，阿布已經接到摩連奴開出既兩大執教條件，一係年薪要1200萬鎊，二係老將林柏特一定要留隊。
當然，車路士一定晉級到下季歐聯都好重要，從目前車路士既狀態黎講，賓尼迪斯都好有可能帶領藍軍完成英超前四既任務。《鏡報》指出，目前摩連奴係皇馬既年薪大概為1000萬鎊，如今佢要求阿布必須將佢既年薪提高到1200萬鎊。

此外，摩連奴都希望林柏特可以留隊。6月就滿35歲既林柏特同車路士既合同到今季末就要到期，但係目前車路士仍然無向佢提供新合同，據稱唔少球隊打算收購呢名老將，特別係美國大聯盟球隊洛杉磯銀河 ，佢地已經公開宣稱想要收購呢名車路士中場，並且為佢開出3年合同。
而且仲有幾支意甲球隊對林柏特感興趣，甚至連曼聯都有意招攬呢名老而彌堅既鐵人。不過，距離車路士歷史入球紀錄只差2球林柏特目前仍然未就佢既未來表態，而《鏡報》披露，摩連奴都希望林柏特唔好咁快做出決定，至少要等到佢今年夏天重掌車路士之後先決定自己既去向。

同幾日前《星報》宣稱摩連奴不顧一切都要重返車路士，無歐聯資格都無所謂唔同既係，《鏡報》明確指出，車路士一定攞到下季既歐聯資格先能夠吸引到狂人番屋企，否則既話，巴黎聖日耳門將好有可能靠呢個優勢搶走摩帥，從而取代另一個前車路士主帥安察洛堤！