拿玻里挖完皇馬挖巴塞，2000萬報價賓帥昔日愛將 精選

响呢個夏天，拿玻里已經由皇馬挖走左希古恩、艾比奧爾同荷西卡利祖呢三名後備球員。宜家，拿玻里又將挖角既對象聚焦係巴塞球員身上。據《每日體育報》透露，拿玻里希望從巴塞得到馬斯查蘭奴。
响利物浦時代，馬斯查蘭奴曾經係賓尼迪斯既心腹愛將。如今賓帥去左拿玻里，佢已經由利物浦帶走左連拿，宜家仲想得到馬斯查蘭奴。據《每日體育報》透露，拿玻里為小馬哥開價為2000萬歐元。個人待遇方面，拿玻里願意比600萬歐元既年薪佢。
600萬年薪？呢個數字超過左馬斯查蘭奴响巴塞既收入，佢係巴塞每年薪水為550萬歐元。不過靠2000萬歐元既報價，拿玻里冇可能打動巴塞。巴塞近年黎的確低價賣左不少實力派球員，但呢種打劫交易都會發生係巴塞要清洗呢啲球員既時候，伊巴謙莫域就係最典型既例子。巴塞根本就唔想清洗馬斯查蘭奴，拿玻里2000萬歐元既報價自然就冇可能得手。
係馬天奴體系入面，馬斯查蘭奴到底踢咩位置仲係個未知之數。馬斯查蘭奴係當今足壇首屈一指既攔截型後衛，但係巴塞佢改踢速度型中堅，同樣有住相當唔錯既發揮。馬天奴岩岩開始帶隊，佢到底準備點樣使用小馬哥，仲需要進一步既觀察。
不過可以確定既係，無論馬斯查蘭奴踢咩位置，佢都係巴塞不可或缺之人。踢後衛？馬斯查蘭奴防守硬度遠勝於桑治。踢中堅？係巴塞未買到新中堅之前，馬斯查蘭奴係現有中堅入面速度最快既。巴塞防線往往向前壓，小馬哥可以憑住速度優勢幫隊友補位。