拜仁CEO:「對普巴毫無興趣,卻奧斯好滿意為拜仁踢波」

足球轉會消息 於 03/02/2014 發表 收藏文章
祖雲達斯既法國中場普巴,毫無疑問係最近轉會市場上既熱門球員。一直有消息稱,20歲既普巴已經引起唔少豪門球隊既興趣,皇馬、巴黎聖日耳門、以及德甲巨人拜仁慕尼黑都有意得到呢名才華橫溢既年輕球員。媒體更爆料話,呢3間「大把錢」既豪門球隊已經為普巴開出至少6000萬歐元既轉會費。中場球星堆積既拜仁仲需要繼續購買中場球員?拜仁CEO路明尼加近日親自出面回應左呢個傳聞,佢表示拜仁無意普巴,咁不過係球員經紀人既「抬價」手段。
有消息稱拜仁都加入左祖雲達斯法國中場普巴既爭奪戰中,媒體甚至爆料稱拜仁打算為普巴開出6000萬歐元既高價。對此路明尼加表示,拜仁對普巴一啲興趣都無,「我自己都係係報紙上睇到呢個新聞,對於咁既消息,我都無咩好講。總而言之,咁絕對係某啲經紀人既手段,佢地不過係用呢啲方式黎抬高身價。」
除左拜仁同普巴既傳聞外,路明尼加係接受采訪果陣仲傾到拜仁同卻奧斯既續約問題。路明尼加希望可以盡快解決續約既問題,「我希望球會可以同卻奧斯盡快達成一致。我地對卻奧斯既表現非常滿意,我地都好希望佢留係球隊。宜家我地既首要任務係完成續約,據我地所知既消息,卻奧斯對於係拜仁效力好滿意。」最近拜仁連續2次俾卻奧斯既新合同報價都遭到拒絕,據稱德國中場希望得到800萬歐元既年薪,但係無得到拜仁既同意。
目前卻奧斯同拜仁既合同到2015年到期,如果球隊無辦法係今季內同球員完成續約既話,咁卻奧斯好有可能係今年夏天走人。據稱英超豪門曼聯對卻奧斯好感興趣,球隊主帥莫耶斯之前更係黎到現場考察卻奧斯既表現。但係路明尼加認為,卻奧斯目前拒絕續約既原因並唔係曼聯既興趣,「有時候續約既談判就係會比預料中更耐,畢竟對於球員黎講,佢地唔想感到太有壓力。到目前為止,卻奧斯都係以好職業既態度對待呢一切。」

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→