拜仁承諾文迪蘇傑唔會離隊，今夏亦不會引入史浩克新星 精選

隨住今年夏天多蒙特頭號射手利雲度夫斯基既加盟，唔少人都擔心星味唔夠既​​文迪蘇傑將淪為球隊替補，甚至被利雲度夫斯基逼走。雖然拜仁高層多次強調佢既加盟唔會踢走文迪蘇傑，但關於佢未來既去向。近日拜仁高層正式對外承諾，文迪蘇傑係今夏絕對唔會離開拜仁，佢會繼續留係球隊。除此之外拜仁高層仲保證，拜仁今夏唔會買戴斯拿。最近傳出轉會緋聞既沙基利都明確表態，冇話過要離開拜仁。
最近德國媒體《體育圖片》指，拜仁宜家主力射手​​文迪蘇傑已經同皇馬達成協議，佢將會响今夏加盟皇馬。據西班牙知名經紀人既消息指，「皇馬已經同一名頂級球員達成左協議，佢係安察洛堤引援名單上既頭號目標。佢就係拜仁既​​文迪蘇傑。」要留意，佢爆既料一直唔準，曾經話過美斯去拜仁、湯馬士梅拿要去巴塞等消息。
最近有唔少關於文迪蘇傑將要離隊既消息，拜仁CEO路明尼加都要企出黎，近日接受採訪時向外界保證，今年夏天文迪蘇傑肯定唔會離開拜仁， 「我知道有唔少既球隊都對文迪蘇傑感興趣，但我知道，佢下季仍然會繼續為拜仁效力。」路明尼加講。最近關於文迪蘇傑既轉會消息唔少，車路士、祖雲達斯、皇馬等球隊都對佢感興趣，但文迪蘇傑自己都表示，唔怕同利雲度夫斯基競爭，要留係拜仁證明自己實力。
除左明確表示文迪蘇傑唔會離開拜仁外，路明尼加仲向媒體保證，拜仁絕對唔會响今夏引入史浩克04新星戴斯拿，「我地絕對未有同佢既經紀人討論過轉會既問題，呢個都係唔應該發生既事，話哂係轉會規則所要求。我可以保證呢一點，我地今年夏天唔會引入戴斯拿。我地唔會為左削弱對手而响多蒙特同史浩克04引援，我地淨係買適合拜仁既球員。」
拜仁小將沙基利最近都表示，冇話過要離開拜仁，「我從來冇諗過要離開球隊，我係拜仁過得好開心。事實上，呢啲都係我哥哥既睇法，但佢既講法同媒體既轉述有好大分別。當然，如果有一支頂級球隊向我報價既話，咁我都冇可能諗都唔諗就拒絕，冇球員會咁做。」之前沙基利既經紀人爆料指，國際米蘭、曼聯、利物浦等球隊都對佢有興趣。