拜仁尋拿姆接班人，欲購英超上季最佳右閘 精選

係歷史上，拜仁好少從英超球隊挖人，而據德國《轉會市場》援引《每日鏡報》消息，拜仁希望係今年夏天簽下一名右閘，而德甲巨人嘅目標係愛華頓球星高文，今年夏天，拜仁將求購呢名助攻能力極強嘅愛爾蘭後衛。
拜仁目前係右閘位置上並唔缺少人手，拿姆同拉芬拿嘅實力都好強，不過隨住兩名球員年齡嘅增長，佢地嘅傷病增多，狀態都開始有明顯下降，因此，拜仁希望可以係右閘嘅位置上補充新鮮血液。
黎自英國《每日鏡報》消息稱，效力愛華頓嘅愛爾蘭右閘高文進入拜仁嘅視野。高文唔止防守能力好，進攻能力更係突出。2013-14賽季，佢係英超攻入6球，助攻1球，今季佢都係各項賽事攻入3球，助攻2次。目前呢名愛爾蘭球星年僅26歲，正處於一個球員職業生涯嘅黃金階段，上季，英超職業球員聯盟（PFA）評選嘅英超賽季最佳陣容中，高文榜上有名，因此，拜仁將挖角嘅目標伸向高文並唔意外。目前德國《轉會市場》對高文嘅估價係1800萬歐元，對於拜仁黎講，轉會費並唔係問題，財大氣粗嘅德甲巨人可以輕松拋出一大筆轉會費，不過高文都係多間英超豪門追逐嘅對像，其中就包括車路士、曼聯，因此，拜仁係轉會市場勁敵好多。