拉莫斯十年皇馬生涯或今夏結束，沉默應對未來去向 精選

西甲巨人皇家馬德里正度過一個動蕩嘅夏天，賓尼迪斯接過安察洛堤嘅教鞭，曾經力挺安帥嘅拉莫斯最近嘅日子都唔太好過，續約談判受阻嘅皇馬副隊長有可能轉投曼聯。近日拉莫斯對轉會傳聞做出一個簡短嘅回應，佢話俾記者知「無進行任何談判」。
據西班牙媒體消息，拉莫斯同皇馬主席佩雷斯嘅關系已經形如破裂，被賣到曼聯嘅可能性越黎越大。呢個夏天紅魔同銀河戰艦有好多潛在轉會，迪基亞就係其中之一，曼聯門神希望回歸馬德里，但由於目前形勢複雜，加上拉莫斯嘅續約風波，皇馬先唔得閒操作迪基亞嘅轉會。
拉莫斯已經為皇馬效力10年，攞到10座重要獎杯，西班牙中堅都成為皇馬副隊長。但係拉莫斯出席嘅一場婚禮上，佢話俾記者知係無同任何球會談判：「我無同任何人談判，一切如常。」咁都從側面反映拉莫斯同皇馬嘅續約談判並唔順利。當被問及下季佢仲會唔會留係班拿貝，拉莫斯就以沉默回應。