意媒曝巴洛迪利逃離英超，稱廣州恆大或接手 精選

據意大利網站《latestanelpallone》爆料，今季係英超郁郁不得志嘅巴洛迪利好有可能離開利物浦，佢嘅下家或者會係中超嘅廣州恆大。
今年夏天，巴洛迪利以1600萬英鎊從AC米蘭加盟利物浦，原本唔少人認為紅軍賺左，但事實證明意大利人唔單止無辦法頂替蘇亞雷斯離隊後嘅空缺，而且仲係場外頻頻惹是生非。日前巴洛迪利係個人社交網絡上發嘅圖片有歧視猶太人嘅嫌疑，英足總已經對佢指控，面臨5場停賽重罰。
而係場內，巴洛迪利目前係英超出場9次仲未入過波，助攻都係無。之前一直好信任巴神嘅羅渣士宜家都改變左態度，意大利人嘅日子將變得越黎越難過。此前有消息稱，如果巴神係冬季轉會期前嘅表現無好轉，利物浦將會將佢賣走，宜家離冬季轉會窗打開只有一個月左右時間。
呢間意大利網站稱，廣州恆大對巴洛迪利有意思，並表示呢間球會有基拿甸奴同迪亞文迪兩名意大利外援前鋒。不過該網站都分析話巴洛迪利宜家先24歲，唔一定願意前往中超呢個水平較弱嘅聯賽踢波，佢都並唔缺錢，唔會為左加盟恆大葬送意大利國腳生涯。從恆大角度看，即使球會唔差錢大手筆簽下巴神，對於治軍嚴厲嘅恆大黎講，恐怕都無法忍受巴神嘅個性，此消息相信只係意大利足球圈為吸引眼球嘅流言而已。