必走之人想留隊續約,安帥叫停買巴甲新星

足球轉會消息 於 31/12/2014 發表 收藏文章
「皇馬同盧卡斯施華無限接近」,呢句話馬德里媒體已經講左好耐。但據《馬卡報》嘅最新報導指,安察洛堤暫停左呢筆交易。皇馬官方指出,係安察洛堤認為摩特歷有可能提前復出。如果魔笛復出嘅話,盧卡斯施華就基本上冇出場機會。但Cope電台卻指出,真正原因在於基迪拉。合同明夏到期嘅佢,如今突然表態想要續約留隊。
基迪拉係2010年加盟皇馬,當時簽左五年合同,佢嘅合同將係出年夏天到期。今年夏天時,基迪拉一直拒絕同皇馬續約。皇馬一度想將佢賣比阿仙奴,阿仙奴2500萬歐元嘅報價都得到佩雷斯認可,但基迪拉堅決索要700萬歐元年薪,令呢筆交易最終流產。係隨後嘅大半年時間,基迪拉始終拒絕續約。西媒認定佢想要係明夏自由轉會以便索取高薪,車路士、拜仁都係佢嘅緋聞新東家。
但係,基迪拉宜家突然想續約,經紀人確認佢想留係皇馬。如果皇馬年薪報價達到基迪拉心理預期嘅話,佢就會留係班拿貝。如果基迪拉留隊,皇馬就唔需要收購攻中。組織型有卻奧斯同摩特歷,攻擊型有伊斯高同占士洛迪古斯,防守型有基迪拉同伊拿拉文迪,每個位置上都有雙保險。
之前一段時間,小豆公開抱怨出場時間唔夠,並暗示明夏唔會繼續留係班拿貝。佢講完之後,西媒懷疑佢係冬季就要另謀高就。不過經紀人就否認呢件事:「有時候媒體流言太多,佢唔會係一月離開。佢渴望更多出場時間,知道只要努力,就會得到更多機會。皇馬球星太多,要想得到穩定嘅位置好難,但佢一直都係勤奮型。而且就算皇馬唔履行買斷協議,咁都係季尾嘅事。」

留言


請按此登錄後留言。未成為會員? 立即註冊
    快捷鍵:←
    快捷鍵:→