德媒曝拜仁已聯絡夏薩特家人,今夏或以一億歐元簽下

足球轉會消息 於 26/05/2015 發表 收藏文章
車路士中場夏薩特正經歷緊一個夢幻般嘅賽季,佢不單止幫藍軍贏得英超冠軍,而且夏薩特本人都當選左PFA同FWA最佳球員,咁樣嘅發揮都引起左多間豪門嘅覬覦,據德國《慕尼黑日報》消息,拜仁有意係今夏挖角夏薩特,而路明尼加已經同比利時球星嘅家人進行左對話,德國媒體預計轉會費恐需1億歐元。
德國《慕尼黑日報》透露,早係德國杯四強期間,拜仁CEO路明尼加已經同比利時球星嘅家人進行過會面,雙方就轉會問題進行左談判。德國媒體分析,有一件事情係可以肯定嘅,就係如果拜仁想購入夏薩特,咁肯定需要砸出一個天價,轉會費預計係1億歐元左右,而之前係接受媒體採訪時,摩連奴曾經講夏薩特嘅每隻腳都價值1億歐元。
對於夏薩特能唔能夠適應哥帥嘅體系,《慕尼黑日報》都進行左分析,德國媒體認為,24歲嘅夏薩特仲非常年輕,係進攻入面佢非常靈活,而佢嘅技術都日漸成熟,適應哥帥嘅體系問題唔大,而且從長遠黎講,夏薩特仲能夠成為洛賓或者列貝利嘅接班人,拜仁二老係今季都遭遇到比較嚴重嘅傷病。
德國媒體仲提及左拜仁挖角夏薩特嘅一個障礙,就係摩連奴。眾所周知,摩連奴同哥迪奧拿係一對死對頭,如果拜仁挖角狂人嘅心腹愛將,一向強硬嘅葡萄牙人肯定唔會輕易放走夏薩特,尤其是買家定係哥迪奧拿執教嘅拜仁。

留言


請按此登錄後留言。未成為會員? 立即註冊
  • socceryao 於 26/05/2015 評論 NO. 1

    列貝利有了着落,還有洛賓,買巴爾吧

快捷鍵:←
快捷鍵:→