希古恩或4100萬轉投利物浦，拿玻里選馬天尼斯為替身 精選

拿玻里今季戰績唔太理想，希古恩同咸錫等核心球員嘅未來撲朔迷離。《全市場》報導，希古恩可能會係冬歇期加盟利物浦，拿玻里將收購積遜馬天尼斯入替。
希古恩自從2013年加盟拿玻里以黎嘅表現相當唔錯，各項賽事出場46次射入24球助攻11次。今季開始以來，希古恩都有4球進賬。「拿玻里係一個好適合踢波嘅城市。黎到呢到，我好開心。」希古恩都未有離開嘅諗法，不過球會準備賣人。法國媒體《Le 10Sport》報導，為左賣出高價，拿玻里有意提高希古恩嘅違約金。目前，希古恩嘅違約金係4000萬歐元，拿玻里希望提高至1億歐元。
利物浦係希古恩潛在嘅新東家。黎自《卡普里電信報》嘅記者報導，「根據可靠消息，利物浦準備係一月份提出3100萬英鎊（超過4100萬歐元）嘅報價求購希古恩。」即管利物浦呢份報價同拿玻里想要嘅1億歐元相去甚遠，但拿玻里主席有可能會同意利物浦嘅報價。記者又透露，賣走希古恩後，拿玻里將會求購波圖前鋒積遜馬天尼斯。
事實上，係拿玻里收購希古恩之前，拿玻里就同積遜馬天尼斯傳過緋聞。當時，佢嘅身價太高，拿玻里最終收購左希古恩。近幾季，積遜馬天尼斯係波圖保持住極高嘅入球效率。截至目前，佢代表波圖各項賽事99場入69球，入球效率甚至勝過希古恩。