巴塞3500萬求購大衛雷斯！ 精選

係歐聯半決賽兩回合被拜仁7-0淘汰後，巴塞隆拿非常失望同埋痛心，佢地決定係今夏既轉會市場上有所行動。根據英國《每日郵報》透露，巴塞已經觀察大衛雷斯有一年幾時間，佢地願意為呢位巴西球星支付3500萬鎊。
大衛雷斯冇幾耐前岩岩度過自己既26歲生日，目前已經代表巴西國家隊出場20次。歐霸盃半決賽主場對陣巴素利，大衛雷斯擔任防中，並係下半場打入一粒精彩世界波，當時林柏特急停後橫撥，大衛雷斯大禁區外左腳直接兜弧線，球係空中掛出一道彩虹精準鑽入左上死角，對方門將無冇任何反應。對於呢個入波，英國媒體讚不絕口，《每日郵報》就稱讚呢個入球黎自電玩遊戲，而《獨立報》記者都稱讚 : 「佢唔係一個世界級既入球者，而係一個可以射入世界級進球既球員。」決賽入面，大衛雷斯將面對自己既老東家賓菲加。
本賽季到今為止，大衛雷斯總共為車路士攻入7球，表現極為搶眼。自2011年年初加盟藍軍至今，大衛雷斯一共出場104次打入12球。上年夏天，車路士已經同佢達成續約。大衛雷斯係倫敦既生活好幸福，好有愛心既佢成日去探望藍軍既小球迷，佢係藍軍擁躉們心目中既地位越黎越高。
不過，巴塞非常有信心引入大衛雷斯，佢地認為自己有能力可以說服車路士賣走巴西人。據《每日郵報》透露，藍軍即使想賣大衛雷斯，心理價位都係4000萬英鎊以上。為左有充足既轉會費黎進行更新換代，巴塞今夏好可能賣掉包括韋拿在內既多名球員。