巴塞2000萬求購曼城隊長，槍手睇中曼城鐵閘代替沙格拿！ 精選

日前，《每日鏡報》透露曼城係聯賽同歐聯雙線敗退之後，曼城決定今年夏天欲對現有陣容進行大清洗，重建新曼城。其中迪維斯、拿斯里、迪斯高、列史葛同馬干等人均係清洗名單之中。呢項消息一傳開，就引黎多間豪門紛紛拋出橄欖枝。據報導，西甲巨人巴塞羅那已經將曼城隊長甘賓尼列入求購名單入面，而後防鐵閘米高里察士就俾阿仙奴睇中。
甘賓尼上年啱啱同曼城簽訂左一份為期六年既新合同，而且作為隊長既佢一直係藍月亮既絕對主力球員。但係今個賽季受到小傷病既困擾，狀態比唔上上個賽季。據聞巴塞因為34歲既佩奧爾隨著歲月增長已經開始走向職業生涯既尾聲，急於搵新既後防鐵衛。雖然求購名單仲包括多蒙特既曉梅斯同車路士既大衛雷斯，但係巴塞認為孔帕尼將會係佩奧爾既最佳替代者。

而阿仙奴希望引入曼城鐵閘米高里察士黎代替主力右閘沙格拿。身為主力既米高里察士今個賽季一直受到膝傷既困擾，上年十月受傷之後至今仲未能夠痊癒，而目前薩巴列特已經憑住出色既表現穩坐右閘主力位置，所以米高里察士係曼城既境況並唔樂觀。夏天槍手主力沙格拿好大機會會離開酋長球場，因此米高里察士被認為阿仙奴右閘既理想人選！