巴塞購買新門將追施治接班人，或將豪砸3500萬！ 精選

域陀華迪斯同巴塞高層既關係始終未能修復，不久前拍攝新賽季全家福時，域陀華迪斯甚至無視羅素，並拒絕同主席握手。如今好多西班牙媒體都認為，域陀華迪斯明夏十成有九成都會選擇合同到期後離開巴塞，而據《每日體育報》最新消息，巴塞已將哥圖斯視為域陀華迪斯既接班人。
早响上賽季，當域陀華迪斯宣佈拒絕同巴塞續約，以及強調佢既合同肯定會响2014年夏天截止，巴塞即刻有收購門將既計劃，紅藍軍團要做兩手準備，一方面擔心域陀華迪斯提前一年離隊；另一方面就係覺得，早啲諗定域陀華迪斯既替身有助於之後可以相對順利完成相關收購。
進入巴塞關注視野既優秀門將好多，史迪根、連拿、古亞達、迪基亞。係呢啲人當中，連拿今夏完成左轉會，利物浦引入米奴列後將佢租借至拿坡里，而對於連拿出年能唔能夠返去利物浦並重新成為主力，英國媒體就唔多睇好，因為米奴列既狀態實在優異，新賽季前三輪都完成左零封。
連拿難返利物浦可以等同於明夏佢會返去昔日母隊巴塞？ 《每日體育報》既睇法就表示唔係，因為該報由巴塞內部獲悉，技術總監蘇比薩雷塔已經選定左域陀華迪斯既替身，呢個人唔係連拿，而係近兩個賽季被車路士外租至馬體會，並係上季拎到西甲最佳守門員獎既比利時國門哥圖斯。哥圖斯今季仍舊被車路士租至馬體會，而佢日前就有表示，希望出年返去車路士並挑戰施治既主力位置。不過由巴塞睇黎，假如向哥圖斯承諾「你黎巴塞就係主力」，而且提醒佢「返車路士實要做施治既替補」，球員本人可能會對轉投魯營產生興趣。
不過，係呢樁有可能啟動既轉會案當中，除左哥圖斯既高身價（英國媒體普遍說法係佢值3500萬歐元），仲有一個難題等待巴塞解決，就係摩帥會唔會同意將哥圖斯賣俾巴塞，而就今夏摩帥拒絕大衛雷斯前往魯營一事黎睇，巴塞出年夏天收購哥圖斯既難度都幾高。