巴塞與史迪根初步達成一致，小卡恩夏天將成巴塞新門將！ 精選

域陀華迪斯今年夏天極有可能告別巴塞，紅藍軍團正全力尋找新門將。連拿、迪基亞等西班牙系既英超門將會係同巴塞走得最近既人選，但《馬卡報》近日爆料，巴塞已經草簽德國門將史迪根，下個賽季呢位20歲既小門將會成為巴塞新援。
史迪根出生係1992年4月30日，仲未夠21歲既佢身高1米90，德國媒體鍾意將佢同卡恩對比，史迪根係門將位置上有唔錯既指揮防線能力，甚至連脾氣都同卡恩一樣：一旦唔滿意，佢就會發嬲。史迪根對於撲單刀、應付傳中波相當有一手。從2008年代表德國U17到宜家，史迪根呢幾年黎成長勢頭唔錯，已經有過代表德國國家隊出戰經驗。

今個賽季德甲聯賽，史迪根代表慕遜加柏出場21次，失30球，有72次撲救，呢幾年穩定既表現，成長速度贏得外界既肯定。巴塞需要新門將，連拿、迪基亞呢種成名既門將身價不菲，而且引援難度大，巴塞選將目光放係希望之星身上。《馬卡報》旗下既馬卡電視台係節目入面爆料，指巴塞已經同史迪根係合約上達成初步既一致，合約期為4年，如無意外既話，史迪根將會係今夏正式成為巴塞一員！